SERIKALI YAANZA MCHAKATO WA KUANDAA MFUMO WA WASAIDIZI WA SHERIA (PARALEGALS)

Mh. Naibu waziri wa Katiba na Sheria  Kulia akiteta jambo nje ya ukumbi wa Bunge( Picha ya Maktaba)

Naibu Waziri wa Katiba na Sheria Bi. Angellah Kairuki, wakati alipokutana na Wanaharakati wa Kisheria wa Asasi zisizo za Kiserikali ofisini kwake jijini Dar-Es-Salaam. Mhe. Kairuki amesema kuwa mchakato huo utakapokamilika utawezesha  Wasaidizi wa Sheria kutambuliwa na sheria husika na hivyo kupanua wigo kwa wananchi wa mijini na vijijini kuwa na msaada wa kisheria wanapopatwa na matatizo.“Natambua umuhimu wa uundwaji wa Sheria hii ya Paralegals ndio maana tumeanza mchakato huu kwa kuufanyia marekebisho na kueleza dhana nzima ya Palalegals,” Alisema.

Amewataka Wanaharakati hao kuendelea kuwasisitiza Wasaidizi wa sheria  kuhakikisha kuwa wanatoa Huduma zao kwa uwazi zaidi ili wananchi waweze kufaidika hiyo.Amesema Serikali itahakikisha kuwa inaweka mazingira bora yatakayowawezesha   Wasaidizi wa Sheria kufanya kazi zao vizuri lakini kwa kuzingatia misingi ya Sheria na Haki za Binadamu.

Wanaharakati hao wamesema kuwa mpaka sasa Wasaidizi wa Sheria (Paralegals) bado hawajatambulika kisheria na kwamba sheria haitoi nafasi kwa Mawakili wa Serikali au wa kujitegemea kufanya kazi katika Mahakama za Mwanzo na Mabaraza ya Kikata maeneo ambayo ndiyo yenye matatizo makubwa ya kisheria kwa wananchi wa kawaida.

Akizungumza kwenye mkutano huo Wakili wa Kujitegemea Bw. Alphonse Katemi amesema wananchi wengi wanakosa haki kwa sababu mfumo wa kisheria hauruhusu kwa Mawakili kutoa huduma za kisheria katika Mahakama za mwanzo na Mabaraza ya Kata. “Kwa hiyo ni suala ambalo kwa kweli wananchi wengi wanakosa haki kwa sababu ni mfumo wa kisheria mawakili kwenye mabaraza haya ya ardhi    hawaruhusiwi,” Alisema Katemi na kuongeza kuwa huko ndiko kwenye maeneo ambayo yanawatesa sana na kuwaumiza wananchi wa nchi hii.

Kwa upande wake Mwenyekiti wa Mtandao wa Wasadizi wa Sheria Bi. Flora Masoy amesema kuwa endapo hao Wasaidizi wa Sheria watawezeshwa kutambulika ni wazi kuwa ata kazi zao wanazozifanya nazo zitatambulika kisheria.Wamesema iwapo Wasaidizi hao watatambulika kisheria itawasaidia kutoa huduma za kisheria hasa kwa wananchi waliopo vijijini ambao ndio wengi wanaokabiliwa na uelewa mdogo wa haki zao.“Wananchi wengi hasa wa maeneo ya vijijini wanashindwa kupata huduma za kisheria vizuri kutokana na kutokuwepo na watoaji wa kutosha wa huduma za kisheria,” Alisema mmoja wa Wanaharakati.

Naye Mkurugenzi wa Huduma za Kisheria wa Wizara ya Katiba na Sheria Bw. Joseph Ndunguru, amesema kuwa kwa kutambua umuhimu wa Paralegals Serikali imeandaa Waraka wa Baraza la Mawaziri kwa ajili ya kutunga sheria ambayo lengo kuu kuwatambua Wanasheria Wasaidizi.  Amesema katika mchakato huo wa kuandikwa kwa sheria hiyo Serikali itahakikisha kuwa inawashirikisha wadau mbalimbali katika kupata mawazo mapya yatayowezesha wananchi kupata msaada wa kisheria. Chanzo Michuzi blog.

UMRI WA LULU WALETA MVUTANO KORTINI

Mojawapo ya Picha za Lulu, akipelekwa Kotini

UMRI wa msanii wa filamu, Elizabeth Michael maarufu kama Lulu anayekabiliwa na mashtaka ya mauaji ya msanii mwenzake, Steven Kanumba jana ulizua utata katika Mahakama ya Hakimu Mkazi Kisutu, baada ya mawakili wanaomtetea kutaka kesi hiyo iondolewe mahakamani hapo ili akashtakiwe kwenye Mahakama ya Watoto.

Kesi hiyo ilitajwa jana huku mawakili wanaomtetea wakiongozwa na Keneth Fungamtama, wakiwasilisha maombi kuhusu suala hilo la umri wa mteja wao wakitaka asishtakiwe mahakamani hapo kama ilivyo sasa. Fungamtama ambaye alikuwa akisaidiana na Mawakili Peter Kibatala na Fulgence Masawe, alidai mahakamani hapo kuwa mshtakiwa huyo ana umri wa miaka 17 hivyo, kesi yake ilipaswa kusikilizwa katika Mahakama ya Watoto. “Mshtakiwa ana umri wa miaka 17 na tuna uthibitisho wa cheti cha kuzaliwa ambacho kinaonyesha mahali na tarehe aliyozaliwa mshtakiwa,” alidai Fungamtama.

Fungamtama alisema Kifungu cha 4 cha Sheria ya Mtoto ya mwaka 2009 Kipengele namba 21, kinatamka wazi kuwa mtoto ni yule aliye na umri chini ya miaka 18. Wakili huyo aliendelea kunukuu vifungu mbalimbali vya Sheria ya Mtoto kama 98 (i) na 114 (ii), ambavyo alidai kuwa vyote vinawapa nguvu ya kuwasilisha maombi yao hayo ya kuihamisha kesi hiyo. “Hata katika suala la Mahakama, vifungu vyote vya sheria hii vimefafanua, hivyo tunawasilisha maombi yetu kwamba mteja wetu ana umri wa miaka 17 na shauri hili lingepaswa kusikilizwa Mahakama ya Watoto,” alidai.

 Kwa upande wake, Wakili wa Serikali, Elizabeth Kaganda aliomba wapewe muda zaidi kwa sababu bado wanaendelea na upelelezi wa kesi hiyo. “Kesi hii imekuja mahakamani hapa kama ya mauaji na upelelezi bado haujakamilika. Tunaposema haujakamilika, tunapeleleza kila kitu, likiwamo suala la umri,” alieleza Kaganda. Alisema hata jina linaloonekana katika cheti cha kuzaliwa kilichowasilishwa mahakamani hapo, linasomeka Diana Elizabeth wakati mshtakiwa ametajwa mahakamani hapo, kwa jina la Elizabeth Michael. “Tunaomba muda tuweze kuchunguza kuhusu umri wa mshtakiwa kwa sababu aliwaeleza polisi kwamba ana umri wa miaka 18 halafu mawakili wake wanakuja kueleza hapa mahakamani kwamba ana umri wa miaka 17,” alidai Kaganda. Wakili huyo wa Serikali alidai kuwa kutokana na mvuto wa kesi hiyo katika jamii, wanaomba wapewe muda zaidi kufanya upelelezi ili kumtendea haki mshtakiwa huyo.

 Kuhusu cheti hicho kusomeka Diana Elizabeth, Wakili Fungamtama alikiri na kudai kuwa ni jambo la kawaida hasa kwa Wakristo kuwa na majina mawili. Fungamtama alidai kuwa hawana pingamizi na maombi ya upande wa mashtaka kwamba wapewe muda zaidi wa kufuatilia cheti cha kuzaliwa cha mshtakiwa, ingawa alidai kuwa suala hilo halina ugumu. Akitoa uamuzi baada ya kusikiliza hoja za pande zote, Hakimu Mkazi Augustina Mbando alisema: “Mahakama imesikiliza maombi yaliyoletwa na Fungamtama na Kaganda na imeona kesi iliyopo hapa ni ya mauaji na jinsi kesi hii ilivyo, hatuwezi kufanya hoja yoyote hadi upelelezi utakapokamilika.”

“Kama defence (upande wa utetezi) wana maombi yoyote wanaweza kufanya hivyo kupitia Mahakama Kuu,”.Kesi hiyo imeahirishwa hadi Mei 21, mwaka huu itakapotajwa tena. Inadaiwa kuwa Aprili 7, mwaka huu katika eneo la Sinza Vatican, Dar es Salaam msanii huyo wa kike, alimuua Kanumba. Jana Lulu alifikishwa mahakamani hapo saa 2:50 asubuhi akiwa peke yake kwenye gari linalobeba mahabusu, huku akisindikizwa na magari mengine mawili.

Alipoingia mahakamani alikuwa amezingirwa na askari Magereza na Polisi zaidi ya 10 na kuufanya  umati mkubwa wa watu uliofurika mahakamani hapo kushindwa kumwona. Miongoni mwa watu waliofika mahakamani hapo jana ni baba mzazi wa msanii huyo, Michael Kimemeta na ndugu zake wengine kadhaa. chanzo Gazeti la Mwananchi.  

MTAZAMO WANGU KATIKA DHANA KWAMBA RAIS AMEVUNJA KATIBA KATIKA UTEUZI WAKE WA MAWAZIRI

Siku chache zilizopita Rais wa Jamuhuri ya Muungano wa Tanzania aliteua Baraza lake la mawaziri.Baraza hilo limekuja baadbaadhi ya mawaziri, kushutumiwa kwa utendaji mbovu wa shughuli zao na kila siku na kutumia mamlaka yao aidha kujinufaisha au kufisadi mali ya Umma. Kimsingi,lengo langu si kudadisi kwa kina sababu zilizopelekea Mh.Rais kufanya mabadiliko hayo. Nimehamasika kuandika suala hili baada ya vyombo mbalimbali vya habari, wanazuoni pamoja na viongozi wa vyama vya siasa kua namaoni tofauti, wengine wakienda mbali sana na kusema Rais amevunja kaika kwa kuwachagua baadhi ya Mawaziri kushika wadhifa huo wakati wao si wabunge. Niseme kwamba katika maoni yangu hayo nitarejerea Katiba ya Jamuhuri ya Muungano wa Tanzania(1977), kama "Katiba".

Kimsingi, nikiwa Mwanasheria nimeona si vibaya nikitoa mawazo yangu katika mkanganyiko huu ambapo jamii isiyo na uelewa wa kisheria” layman”, huweza kukumbwa na mkanganyiko usiostahili katika jambo hili. Mfano katika gazeti la mtanzania la leo Jumapili, lilimnukuu Mwenyekiti wa Chama cha Demokrasia na Maendeleo( CHADEMA) likiwa na kichwa cha habari” MBOWE AMSHUKIA JK, ADAI AMEVUNJA KATIBA UTEUZI WA MAWAZIRI”. Katika gazeti hilo lenye namba. ISSN 0856-5678 Toleo Na. 6049, gazeti hilo lilimnukuu Mh.Mbowe akisema mafuatayo,” inasikitisha Kuona Rais anaendesha nchi kihuni na kuvunja kwa makusudi Katiba,wakati akifahamu kuwa hawezi kumpa mtu uwaziri bila kuapishwa ubunge na kwamba kwa hatua hiyo Rais Kikwete ameridharau bunge.

Niaze kueleza kwamba Ibara ya 66(1) e kinatoa Mamlaka ya Kikatiba kwa Rais kuteua wabunge wasiozidi 10 wenye sifa atakazoona inafaa kuitumikia nafasi hiyo, sanjali na mamlaka hayo aliyopewa Rais aina nyingine ya mtu kuwa Mbunge pia zinaainishwa katika Ibara hiyo hiyo; na kwamba mtu anaweza kua mbunge kwa kuchaguliwa na wananchi au vilevile kupitia kwa viti maalum, ay nafasi aliyonayo kama ya Mwanzaasheria Mkuu wa Serikali.  Hivyo basi Uteuzi wa Rais kwa Prof. Sospether Muhongo na Bi.Jane kuwa wabunge na hatimaye uwaziri ni uteuzi wa kikatiba.

Watu wanaosema Raisi amevunja katiba, wanamaoni ya kwamba wabunge walioteuliwa na Rais kuwa mawaziri hawajaapa  kuwa wabunge kabla ya kushika na Kuteuliwa na Raisi kuwa Mawaziri. Nina wiwa kusema ya Kwamba huu ni upotoshwaji mkubwa  na pengine uelewa mdogo wa Katiba pamoja na Sheria za nchi yetu.

Kimsingi Swali la kutuongoza ni kwamba, ni wakati gani mtu anakua Mbunge? Je ni pale mtu anapotangazwa na Tume kuwa Mbunge ?AU Je ni Pale ambapo mtu anapoteuliwa na mtu mwenye mamlaka kuwa Mbunge? Au Je ni pale mtu anapokua kiapo cha Ubunge? Ni rai yangu kwamba Sura ya 343 iliyofanywa marekebisho mwaka 2002 na 2010 ,kifungu cha 98 kinasema mtu anakua mbunge pale baada ya kutangazwa na Tume ya uchaguzi kupitia kwa Msimamizi wa Uchaguzi kuwa mbunge kupitia Jimbo husika, au pale mtu anapoteuliwa kwa mujibu wa Katiba kushika wadhifa huo(Kama ambavyo Rais amefanya katika Ibara ya 66(1)e). Suala la kwamba mtu huyo amekula kiapo cha kutumikia wadhifa huo wa ubunge au la! Hilo ni suala jingine. Na kuapa au kutokuapa kwa mtu huyo hakumuondolei ubunge wake( does neither disqualify him or her from holding that post nor invalidate the same). Ninachomaanisha ni kwamba Mtu anapotangazwa au kuteuliwa kuwa mbunge, mtu huyo atahesabika kuwa mbunge pale tu atakapotangazwa au kuteuliwa kushika wadhifa huo. Kwa Mfano. Mwanasheria Mkuu wa Serikali, ni Mbunge Kikatiba kwa nafasi aliyonayo yeye kama Mwanasheria Mkuu katika Ibara ya 66(1)d na 55(5). Kama Rais akiingia Madarakani na Kumteua Mwanasheria Mkuu wa serikali, Mwanasheria huyo baada ya kuapa Kwa Rais anaanza majukumu yake kama Mwanasheria Mkuu, lakini hataanza majukumu yake kama mbunge mpaka pale atakapoanza kushiriki katika shughuli za Kibunge. Hii haina tofauti na uteuzi wa Mawaziri.

Pamoja na hayo ibara ya 68 ya Katiba inaeleza wazi kwamba, na nanukuu Kila Mbunge atatakiwa kuapishwa katika Bunge kiapo cha uaminifu kabla hajaanza kushiriki katika shughuli za Bunge. Kwa mantiki ya Ibara hii ni kwamba Mawaziri hao walioteuliwa na Rais ni wabunge isipokua hawawezi kushiriki katika shughuli za ubunge bila kula kiapo au pasipo kuapishwa na Bunge.  Swali la kujiuliza ni shughuli gani za bunge zinazozungumziwa na Ibara hii ya 68. Shughuli za bunge kama inavyoelezewa ni kutunga sheria pamoja na majukumu mingine ya waliyopewa Kikatiba.

Kwa upande wa Pili, Rais amepewa mamalaka ya Kikatiba katika Ibara ya 55 (1),(2),(3) kuteua Mawaziri na manaibu wao, hata hivyo mawaziri hao hawaruhusiwi kutekeleza majukumu yao ya kiuwaziri pasipo kutii masharti ya Ibara ya 56 ya Katiba ya Jamuhuri ya Muungano wa Tanzania, inayowataka Mawaziri hao kula kiapo kwa raisi kabla ya kuanza majukumu yao.  Ningekua na maoni tofauti kama, Mawaziri hao wangeanza kufanya shughuli zao za kiutendaji kama Mawaziri kabla ya kuapishwa na Rais..hapo ndipo tungesema wamekosa uhalali wa kiutendaji kama Mawaziri.

Kwa mantiki hii basi ya tafrisi ya Kikatiba ni Kwamba Mh. Rais hajafanya kosa lolote la kuwateua wabunge hao kua Mawaziri kabla ya kuapishwa na Bunge.

Ni rai yangu kwamba, Wanasiasa waache maneno ya uchochezi kupotasha raia ilikuepuka migogoro isiyokua na tija katika Taifa. Iwapo wadau wanaona ya kwamba kuna ulazima wa Mawaziri kuapishwa na Bunge kabla ya kuanza majukumu yao ya uwaziri, basi wapeleke maoni na mapendekezo yao kwenye Tume ya Mabadiliko ya Sheria kutoa maoni yao, pale Tume inapoanza kupokea maoni hayo.

MAHAKAMA KUU; YATUPILIA MBALI MAOMBI YA CCM KUPINGA MATOKEO YA UCHAGUZI DHIDI YA FELIX MKOSAMALI.

Hivi punde, Mahakama Kuu kanda ya Tabora imetupilia mbali maombi yaliyowasilishwa na aliyekua mgombea wa uchaguzi, kupitia tiketi ya CCM, bwana Jamal Tamimu kupinga matokeo ya Uchaguzi yaliyompa ushindi Mbunge Kijana  wa NCCR MAGEUZI ndugu Felix Mkosamali.

Akitoa hukumu hiyo, iliyodumu kwa zaidi ya masaa matatu Mheshimiwa Jaji Mfawidhi wa Mahakama kuu kanda ya Mwanza aliyekua anasikiliza kesi hiyo, Aishieli Sumari akisema ya kwamba Mlalamikaji alishindwa kutibitisha kesi yake kwa kiwango kinachotakiwa kisheria pasipo kuacha shaka yeyote.

Awali, katika hati yake ya madai Bwana Jamal(CCM) alilalamika ya kwamba katika Uchaguzi huo wa Jimbo la Muhambwe Mh. Mkosamali alimtolea maneno ya kashfa bwana Jamal ya kwamba ni Jambazi, si raia wa Tanzania, Muuaji na mchuuzi wa Viungo Vya Albino.  Upande wa malalmikaji uliwakilishwa na wakili Msomi bwana Obuya katika shauri hilo.

Pamoja na hayo mlalamikaji katika shauri hilo hakutokea Mahakamani hapo hukumu ilipokua inasomwa.

Hukumu hio, iliyohudhuriwa na mamia ya wakazi wa mji wa kibondo, mawakili wasomi wa Serikali, Bwana Prosper Mwangamila, na Renatus Mkude kwa upande walalamikiwa wa kwanza(Mwanasheria Mkuu wa Serikali) Pamoja na Dr. Murungu na Bwana Kabuguzi( Mawakili mlalamikiwa wa kwanza bwana Mkosamali).

Hukumu hii inafanya kesi zilizo baki za matokeo ya uchaguzi kuwa saba, Ikiwemo ile ya UKonga, Meatu, kasulu nk. 

Pakistan Court to Charge Prime Minister With Contemt

Pakistan’s highest court said on Thursday it would charge Prime Minister Yousaf Raza Gilani with contempt of court for refusing to reopen a corruption case against his boss, President Asif Ali Zardari.

 

The Supreme Court said it would start the contempt trial on Feb. 13. If convicted, Mr. Gilani would face up to six months in jail and possible disqualification from public office.

 

The court order was a significant escalation of long-simmering tensions between the judiciary and the government and threatened to plunge the country into fresh political turmoil as its leaders debate the contours of a new strategic relationship with the United States.

 

Since 2009, the Supreme Court, headed by Chief Justice Iftikhar Muhammad Chaudhry, has insisted that the government should write a letter to Switzerland, reopening a longstanding corruption case against President Zardari.

 

The government stalled, employing a variety of legal maneuvers to dodge the legal order in court, while in public it argued that Mr. Zardari was immune from prosecution while in office.

 

But the court’s patience ran out last month, when it ordered Mr. Gilani to appear under threat of contempt charges. Amid dramatic scenes Mr. Gilani appeared, flanked by supporters, and was represented by Aitzaz Ahsan, one of the country’s most famous lawyers.

 

But despite Mr. Ahsan’s arguments, the court made good on its threats on Thursday, when it initiated the contempt charges, in the process reviving a perilous clash of powerful institutions involving the government, military and judiciary.

 

It comes just days after another major judicial crisis facing the government, involving accusations of treason and popularly known as Memogate, started to recede from the front pages.

 

The central witness in that crisis, an American businessman of Pakistani origin named Mansoor Ijaz, failed to turn up in Pakistan to testify. On Monday, a panel of judges allowed Husain Haqqani, the former ambassador to Washington who faces the most grave charges, to leave the country.

 

Mr. Ijaz claimed in a newspaper article in October that he had sent a secret memo to the Obama administration in May on behalf of the Zardari government, seeking American help in warding off a possible coup after the Pakistani military was humiliated by the American commando operation in which Osama bin Laden was killed. Mr. Ijaz later said that Mr. Haqqani was behind the memo. Mr. Haqqani denied the accusation but was forced to step down.

MAADHIMISHO YA SIKU YA SHERIA NCHINI YAFANA

Rais akisalimiana na Majaji alipowasili katika Maadhibisho ya siku ya sheria Nchini

Rais Jakaya Kikwete akiwa na Jaji Mkuu wa Tanzania Mh. Chande Othman 

Mh. Rais akihutubia katika maadhimisho ya siku ya sheria Nchini

TANZANIA KUJENGA MAHAKAMA YA HAKI ZA BINADAMU

Rais Jakaya Kikwete

RAIS Jakaya Kikwete amesema Tanzania itagharamia ujenzi wa Makao Makuu ya kudumu ya Mahakama ya Haki za Binadamu ya Afrika – African Court on Human and Peoples Rights (ACHPR) mjini Arusha.

Aidha, Rais Kikwete amesema Tanzania inaunga mkono mageuzi yanayokusudiwa kufanywa kwenye muundo wa Mahakama hiyo ili kuiwezesha kuwa na mamlaka ya kusikiliza na kuzitolewa maamuzi kesi za makosa ya jinai sawa na mamlaka ya Mahakama ya Kimataifa ya Makosa ya Jinai (ICC) ya mjini The Hague, Uholanzi.

Rais Kikwete aliyasema hayo jana wakati alipokutana na kufanya mazungumzo na ujumbe wa Majaji wa Mahakama hiyo ya ACHPR wakiongozwa na Rais wake, Jaji Gerald Niyungeko kwenye Hoteli ya Sheraton, mjini Addis Ababa, Ethiopia. Rais Kikwete alikuwa Ethiopia kuhudhuria Mkutano wa 18 wa Wakuu wa Nchi za Umoja wa Afrika (AU) uliomalizika Jumatatu usiku.

Majaji wengine walioambana na Jaji Niyungeko kukutana na Rais Kikwete ni Jaji Sophia Akuffo ambaye ni Makamu wa Rais wa Mahakama hiyo, Jaji Elsie Nwanuri na Msajili wa Mahakama hiyo, Dk. Robert Eno.

Rais Kikwete amewaambia majaji hao kuwa ni vyema wakati wanafanya maandalizi ya michoro ya jengo la Makao Mkuu ya Mahakama hiyo wakumbuke kuwa hiyo itakuwa ni Mahakama ya Bara zima na wala siyo ya Tanzania na hivyo wafikirie jengo zuri na lenye hadhi inayostahili Mahakama ya Bara la Afrika.

“Kwa kweli tunataka kujenga jengo kubwa na zuri la kuwa Makao Makuu ya Mahakama yetu hii. Tunataka kujenga Mahakama ya Afrika. Kwa hiyo katika michoro yenu zingatieni jambo hilo kwa sababu tunataka jengo la hadhi,” Rais Kikwete aliwaambia majaji hao.

Ameongeza: “Nyie hangaikeni na michoro mizuri kwa ajili ya jengo lenye hadhi. Habari za fedha za kujenga jengo hilo tuachieni sisi katika Serikali kuona tutafanya vipi.”

Rais pia ameahidi kuwa Serikali itaongeza kasi ya kutafuta ardhi za ujenzi wa mahakama hiyo. Mkutano wa Wakuu wa Nchi wa AU uliomalizika juzi umebariki makao makuu ya Mahakama hiyo kuwa mjini Arusha.

Jaji Niyungeko alitumia fursa hiyo kumweleza Rais kuhusu shughuli za Mahakama hiyo na kuishukuru Tanzania kwa mchango wake mkubwa katika kuunga mkono shughuli za Mahakama hiyo.

Alimueleza Rais Kikwete kuwa Mahakama hiyo sasa imeanza kupokea kesi nyingi zaidi kuliko ilivyokuwa awali. Alisema mwaka jana peke yake, ilipokea kesi 14, ikiwemo moja kutoka Tanzania, na maombi mawili ya kuitaka kutoa ushauri wa kisheria. Alisema kati ya kesi hizo, tayari kesi saba zilikwishakuamuliwa. Chanzo Habari leo.

JAJI MKUU ASHINDWA KUMRITHI OCAMPO ICC

Bi Fatou Bensouda

BI.Fatou Bensouda pichani kutoka Gambia imeibuka kidedea  akatika mchakato wa maridhiano wa kumtafuta  mwendesha mashtaka mkuu wa Mahakama ya Kimataifa ya Jinai.Bensouda mwenye umri wa miaka 50, ni naibu wa mwendesha mashitaka mkuu wa sasa, Luis Moreno-Ocampo wa Argentina, ambaye muda wake unamalizika  mwaka ujao.Mkutano wa wanachama wa ICC utafanyika mjini New York  Alhamisi  wiki ijayo kujadili uteuzi.

Bensouda amekua  mwendesha mashitaka msaidizi wa ICC Hague toka mwaka 2004 na awali alifanya kazi kama mshauri wa kisheria na wakili wa kesi katika Mahakama ya Kimataifa ya Mauaji ya Kimbari ya Rwanda mjini Arusha, Tanzania.Yeye kwa muda mrefu amekua akionekama kama mtu atakayechukua nafasi za Moreno-Ocampo, hasa wakati ambapo kesi za ICC kwa kiasi kikubwa zimelenga Afrika.

Bensouda alikuwa mmoja wa wagombea waliotajwa na kamati ya kutafuta mrithi wa Ocampo  mwezi uliopita kuchukua nafasi Moreno-Ocampo kama mwendesha mashitaka mkuu wa mahakama ya duniani juu ya uhalifu wa kivita;wengine walikuwa wa mwiingereza Andrew Cayley,  Mohamed Chande Othman, Jaji Mkuu wa Tanzania, na Robert Petit, mshauri ya uhalifu wa kivita katika Idara ya Haki nchini Canada.

Mwanadiplomasia mmoja wa umoja wa Mataifa  ambaye hakutaka kutambuliwa aliliambia shirika la habari la Reuters kwamba Jaji Mkuu wa Tanzania Othman alijitoa katika kinyanganyilo hicho.
 
Katika maendeleo ya hivi karibuni kuwashirikisha ICC, rais wa zamani wa Ivory Coast Laurent Gbagbo alipelekwa the Hague  Jumanne usiku kukabiliana na mashtaka ya uhalifu dhidi ya binadamu yanayomkabili.

Baadhi ya wanasiasa wa Afrika wanamshutumu  mshitakiwa Moreno-Ocampokwa kutafuta na kuwashitaki Waafrika tu. Ocampo pia imekosolewa juu ya maendeleo ya ICC polepole na kwa kushindwa kuleta idadi kubwa ya viongozi waandamizi wa serikali kwa ajili ya kesi ya mauaji mbalimbali.

JERI MURO AACHIWA HURU!

Jerry  Muro  akiongea na waabdishi wa habari baada ya kuachiwa huru.

 MAHAKAMA jijini Dar es Salaam, imewaachia huru aliyekuwa Mtangazaji wa Shirika la Utangazaji Tanzania (TBC), Jerry Muro na wenzake Edmund Kapama na Deogratius Mgasa, baada ya kuonekana kuwa hawana hatia katika mashtaka matatu yaliyokuwa yakiwakabili, likiwamo la kuomba rushwa ya Sh 10 milioni.  

Katika kesi hiyo ilikuwa inadaiwa kuwa Januari 29 mwaka jana, Muro na wenzake walitenda  makosa ya  kula njama, kushawishi kupewa rushwa ya Sh 10 milioni kutoka kwa aliyekuwa Mhasibu wa Halmashauri ya Wilaya ya Bagamoyo Michael Wage na kujitambulisha kuwa ni maofisa wa Takukuru.

Hukumu iliyowaachia huyu washtakiwa hao, ilisomwa jana saa 3:15 asubuhi na Hakimu Mkazi Frank Moshi  wa Mahakama ya Kisutu.Hakimu huyo alisema mahakama imewaachia huru washtakiwa  baada ya upande wa mashtaka, kushindwa kuyathibitisha makosa pasipo kuacha shaka.  Katika shtaka la kula njama, Hakimu Moshi alisema  baada ya mahakama kupitia ushahidi uliotolewa na mashahidi saba wa upande wa mashtaka, iliwaona washtakiwa  kuwa wana kesi ya kujibu na kuwataka kuwasilisha utetezi wao . 

Alisema hata hivyo baada ya kupitia ushahidi na utetezi uliotolewa na washtakiwa pamoja na ule wa shahidi wao mmoja (dereva wa Muro) katika shtaka la kula njama, mahakama imewaachia huru washtakiwa wote.

 ”Mahakama imewaachia huru washtakiwa katika shtaka la kula njama kwa sababu upande wa mashtaka umeshindwa  kuithibitishia mahakama kama kweli washtakiwa walikutana na Wage na kufanya mawasiliano kupitia simu ya mkonon,” alisema hakimu Moshi.  Alisema mahakama imeona kuwa ushahidi wa nakala za picha za CCTV za hoteli ya Sea Cliff, zilizowasilishwa  na upande wa mashtaka zikionyesha watu watatu, sura zao zilikuwa hazionekani, jambo linalofanya ushahidi huo kuwa na upungufu.

Hakimu huyo alisema ili  watu waweze kutenda kosa la kula njama lazima wawe wanafahamika na kwamba  hakuna ushahidi mwingine wowote  unaonyesha kuwa kweli washtakiwa hao walitenda kosa hilo.Alisema upande wa mashtaka ulishindwa hata kumuita dereva wa Wage  ili aweze kuthibitisha kama kweli Wage na Muro waliwahi kuwa na mawasiliano au  kukutana katika Mgahawa wa Calfonia.

Alisema upande wa mashtaka pia ulishindwa hata kwenda kwenye makampuni ya simu ili kupata nakala za ujumbe mfupi wa simu (sms) waliokuwa wakitumiana Wage na Muro.

Alisema kitendo hicho kinaifanya mahakama isiamini kama kulikuwa na kosa la kula njama.  “Pamoja na kutokuwepo  kwa ushahidi wa mawasiliano pia upande wa mashtaka ulitakiwa upeleke mahakamani hati ya gwaride la utambuzi  ili kuithibitishia mahakama kama washtakiwa waliwahi kutambuliwa lakini hilo haliufanyika,”alisema hakimu Moshi. 

Katika shtaka la kuomba rushwa, hakimu Moshi alisema  mahakama haijaonyeshwa  ushahidi  wa kuthibitisha kuwa washtakiwa walipokea rushwa ya Sh 1 milioni  kutoka kwa Wage  kama kitangulizi  cha rushwa waliyoiitaji ya Sh10 milioni.

Alisema mahakama ilitegemea kuwa kungekuwa na ushahidi wa mawasiliano au wa kuona ili kuonyesha uhalisia na kwamba eneo la Hoteli ya Sea Cliff,.

Aliongeza kuwa washtakiwa  Kapama na Mgasa walikamatwa katika maeneo tofauti tofauti, jambo liliosababisha mahakama kuwaachia huru hasa baada ya upande wa mashtaka kushindwa kuthibitisha shtaka hilo.  Kuhusu shtaka  la kujitambulisha kuwa ni maofisa wa Takukuru, linalokuwa likiwakabili Kapama na Mgasa, Hakimu Moshi alisema kupitia ushahidi uliotolewa na upande wa mashtaka na vielelezo, hakuna ushahidi ulioonyesha kuwa Wage aliwatambua washtakiwa hao katika gwaride la utambuzi.  

Alisema  vielelezo vilivyowasilishwa mahakamani na upande wa mashtaka vinaonyesha kuwa mshtakiwa Mgasa alikiri kujitambulisha kuwa ni wafanyakazi wa TBC wakati katika maelezo ya mashahidi, inadaiwa kuwa walijitambulisha kuwa ni maofisa wa Takukuru.

Alisema kwa msingi huo mahakama inawaachia huru washtakiwa hao kuwa shtaka hilo linajikanganya.
“Washtakiwa wote wameachiwa huru  hata hivyo mahakama hii inazingatia kuwa kuna vielelezo kama risiti, pingu na bastola ambavyo havikuwa na mgogoro  hivyo virejeshwe kwa Muro. Na  kwa Yule  ambaye hajaridhika, haki ya kukata rufaa iko wazi,” alisema hakimu Moshi.  

Muro alipanda kizimbani Agosti 18 mwaka huu ambapo alijitetea na kuiomba mahakama  imuone kuwa hana hatia, akidai kuwa kesi inayomkabili ni ya kubambikiziwa na baadhi ya askari wa Jeshi la Polisi.

Kesi hiyo ilipata hakimu mpya Frank Moshi Mei 2 mwaka huu  baada ya  Hakimu Mkazi Gabriel Mirumbe  kuhamishiwa katika Mahakama Kuu.Machi 8 mwaka huu hakimu huyo aliwaona washtakiwa hao kuwa wana kesi ya kujibu.Kwa kipindi chote hicho cha kusikilizwa kwa kesi hiyo washtakiwa wote walikuwa nje kwa dhamana kwa mujibu wa sheria. 

Yaliyojiri katika kesi

Muro aingia matatani Dar Januari 31 mwaka jana, siku kadhaa baada ya Muro kutoa habari zilizoanika rushwa zinazofanywa na askari wa Kikosi cha Usalama Barabarani, mwandishi huyo aliingia matatani kwa kukamatwa aidaiwa  kuomba na kupokea rushwa.

Baada ya kukamatwa alishikiliwa katika Kituo Kikuu cha Polisi cha Kanda Maalum ya Dar es Salaam.

Muro, ambaye aliwahi kushinda tuzo ya Mwanahabari Bora wa mwaka 2009 kufuatia habari yake ya rushwa inayofanywa na askari wa usalama barabarani, alikumbwa na mkasa huo saa 6:00 jijini Dar es Salaam.

Alikamatwa wakati akiwa katika Hoteli ya Sea Cliff.Taarifa za awali zilisema Muro alikamatwa baada ya kuwekewa mtego na polisi kufuatia taarifa ilizokuwa zimetolewa na  mfanyabiashara mmoja, ambaye jina halijawekwa bayana kuwa mwandishi huyo alikuwa anadai rushwa ya Sh10 milioni.

Apekuliwa, akutwa na Pingu
Baada ya kukamatwa, polisi walilipekuwa gari la alilokuwa akilitumia na kukuta pingu pamoja na bastola.Kamanda wa Polisi wa Kanda ya Maalum ya Dar es salaam, Suleiman Kova, alisema baada ya kulifanyia upekuzi gari la Muro, polisi walikuta pingu na bastola na baadaye walimwamuru mwandishi huyo awapelekee stakabadhi zinazoonyesha kuwa alinunua pingu hizo kwa njia halali.


Muro apandishwa kizimbani
Februari 5 mwaka jana Muro alipandishwa kizimbani akishtakiwa kwa mashtaka ya kula njama na kuomba rushwa ya Sh10 milioni.

Alifikishwa katika Mahakama ya Hakimu Mkazi Kisutu.
Alipandishwa kizimbani akiwa na wenzake wawili  waliokuwa wakidaiwa uwa alishirikiana nao katika kutenda kosa hilo. Watu hao walisomewa mashtaka matatu.Washtakiwa walifikishwa mahakamani wakiwa chini ya ulinzi mkali wa askari waliokuwa wamevalia nguo za kiraia.

Kesi yaanza kusikilizwa
Kesi dhidi ya Muro na wenzake wawili ilianza kusikilizwa Juni 24 mwaka jana katika hatua ya awali.Hatua hiyo ilikuja baada ya  kukamilika kwa upelelezi wa kesi uliokuwa umekwama kwa muda mrefu.

Wakili wa Serikali, Martha Misonge, alisema mbele ya Hakimu Gabriel Milumbe siku hiyo,  ilikuwa ni ya  kusomewa washtaiwa maelezo ya awali.Hata hivyo  aliomba  wasomewe siku iliyofuatia kwa sababu upande wa mashtaka haukuwa tayari.

Katika hatua hiyo washtakiwa walitakiwa kueleza mambo wanayokubaliana nayo na yale wasiyokubaliana nayo.

Muro alidai kusomea jeshi Marekani, Afrika Kusini
Juni 16 mwaka jana, upande wa mashtaka ulieleza mahakama kuwa  Muro alijinadi kuwa ni askari wa JWTZ mwenye cheo cha Kapteni  ambaye alipata mafunzo yake katika nchi za  Marekani, Uingereza na Afrika Kusini.

Maelezo hayo yalitolewa na wakili wa serikali, Boniface Stanslau mbele ya Hakimu Gabriel Mirumbe.
Ilidaiwa kuwa Muro alimweleza Michael Karoli aliyekuwa Mhasibu wa Halmashauri ya Wilaya ya Bagamoyo kuwa  kwa  mafunzo hayo alikuwa na uwezo wa kumweka chini ya ulinzi na kwamba alimuonyesha pingu na bastola kama vifaa vyake vya kazi.

Korti yaelezwa njama za kumkandamiza Muro
 Agosti 24 mwaka jana, mshtakiwa Deogratias Mgasa alidai katika Mahakama ya Hakimu Mkazi Kisutu kuwa Mkuu wa Upelelezi wa Kanda Maalum ya Dar es Salaam, Charles Mkumbo na wenzake walimlazimisha  aandike maelezo ya kumkandamiza Muro na kwamba kama angekataa wangembambikia kesi ya mauaji.

Mgasa aliyasema hayo  wakati akitoa ushahidi wake katika kesi hiyo, mbele ya Hakimu Mkazi, Gabriel Mirumbe.

Akitoa ushahidi wake,Mgasa alidai kuwa Februari 3 mwaka jana, alikubali kuandika maelezo yanayomkandamiza Muro, baada ya kulazimishwa na Mkumbo ambao walimwambia kuwa asipofanya hivyo watampa kesi nyingine ikiwamo ya mauaji.

Mahakama yapokea mkanda wa video
Novemba 13 mwaka jana, Mahakama ya Hakimu Mkazi Kisutu, jijini Dar es Salaam, ilipokea nakala za picha zilizotolewa katika mtandao wa CCTV Camera ya Hoteli ya Sea Cliff, kama moja ya  vielelezo vya ushahidi  katika  kesi ya Muro na wenzake wawili.

Nakala hizo za picha , zinawaonyesha washtakiwa Muro , Deogratias Mgasa na aliyekuwa Mhasibu wa Halmashauri ya Bagamoyo, Michael Wage Karoli, ambaye inadaiwa walimuomba rushwa,wakiwa katika eneo la Hoteli ya Sea Cliff.


Shahidi adai Muro alinunua pingu duka la JWTZ
Januria 25 mwaka huu,  shahidi wa tano wa upande wa mashtaka, Inspekta wa Polisi Anthony Mwita (45), aliiambia mahakama kuwa mshtakiwa Muro aliwahi kumkabidhi stakabadhi ya pingu aliyoinunua katika duka la JWTZ, Upanga, jijini Dar es Salaam.

Mwita alitoa madai hayo mbele ya Hakimu Mkazi Gabriel Mirumbe alipokuwa akitoa ushahidi wake katika kesi hiyo.

Pingu za Muro zawasilishwa kortini   
 Siku ya Januari 26 mwaka huu, pingu alizokutwa nazo Muro ziliwasilishwa katika Mahakamani ya Kisutu kama sehemu ya ushahidi.Ilidaiwa kuwa pingu hizo zilikutwa ndani ya gari la Muro wakati akikaguliwa na Inspekta wa Polisi.

Madai hayo yalitolewa na Mrakibu  Mwandamizi wa Polisi, Duwan Nyanda (49), mbele ya Hakimu Mkazi Mirumbe, wakati akitoa ushahidi wake.


“Wage aliniambia kuwa pingu hizi zilitumiwa  na Muro kumfunga  wakati anamtishia na kumuomba rushwa,”alidai shahidi huyo wa sita wa upande wa mashtaka.

Muro na wenzake wana kesi ya kujibu
Machi 8 mwaka huu, Muro na wenzake walipatikana na kesi ya kujibu katika  mashtaka matatu yaliyokuwa yakiwakabili likiwamo la kuomba rushwa ya Sh 10 milioni kutoka kwa Kalori.

Mashtaka mengine ni ya kula njama  na kujitambulisha kuwa ni maofisa wa serikali.

Uamuzi huo, ulitolewa na Hakimu Mkazi Mirumbe baada ya Wakili wa Serikali Mkuu, Boniface Stanslaus kufunga ushahidi wa upande wa mashtaka.


Muro amlipua Masha
Agosti 18 mwaka huu, Muro aieleza mahakama kuwa aliyekuwa Waziri wa Mambo ya Ndani, Lawrence Masha, alimtambia kuwa hatochomoka katika sakata hilo.

Muro alieleza hayo alipoanza kujitetea kwa mara ya kwanza dhidi ya tuhuma ziizokua zikimkabili.

Katika utetezi wake uliodumu kwa saa tatu akiongozwa na mawakili wake, Majura Magafu na Richard Rweyongeza, Muro alidai kwamba Masha  alisema mwisho wa kesi hiyo unampeleka (Muro) kaburini. Chanzo gazeti la Mwananchi.